Sa’qewey

Jordan Sipu Anderson (Wikewiku’s 22, 1999 — Apuknajit 2, 2005) na ta’n L’nue’katik mijua’ji’j tle’yawit Norway Wenji’kuo’m Cree L’nue’kati ta’n Manitoba. Weskwijinuwultijik elt milamu’kl mpisune’l nuta’ql, siawi’kisnaq ta’n na snukwaqnuo’kuo’mk ukjit pikwelipunqwekl mita ta’n federal aqq provincial kaplno’lel mu kisa’matultimsipnik ta’n wen na apankettew ta’n telawtik ta’n na nekm wikuaq ankweyut. Jordano’q nepkisnaq ta’n tujiw tewije’kek na’n, jel mu kisi wikiksipnaq wikmaq wikuaq kisna L’nue’katik.

Jordan wikmaq iknmuetu’tisnek wktuisunmek ta’n Jordanewey Nikana’tasikewey ta’n kepmite’tk na nekm matnekep ukjit tetpaqo’tasimk, kejitmk ta’n L’nue’katik mijua’ji’jk mesnmi’titl ta’n etekl ta’n nuta’titl keskmna’q kekwe’ktn. Nekm tel-lukwep siawa’sik ukjit layjitun ta’n ewe’wasik ta’n Jordanewey Nikana’tasikewey kiskuk.

Ta’n 2007, ta’n Mawpultijik ta’n L’nue’kati’l (AFN) aqq ta’n Amskwesewey Utane’l Mijua’ji’j aqq Kikmanaq Sespite’tma’tiji Toqeyimk ta’n Kana’ta elkitkisnek ta’n kelusa’timk keskmna’q ta’n Kana’taewey Wkskwijinuey Tetpaqa’qewe’l Toqpultijik (CHRT)—ta’n tplutaqney ktinin ta’n wesku’tk ewpla’luksinn ta’n na Kana’taewey Wkskijinuey Tetpaqa’qewe’l Teltek.

Ta’n kelusa’simk e’tmuek ta’n na Kaplno’l ukjit Kana’ta iknmuetoq mu tetpaqtektnuk aqq mu tepiaqtnuk suliewey ukjit Mijua’ji’jk aqq wikmawaq etekl ta’n L’nue’kati’l ta’n utank aqqq na ta’n Yukon aqq ta’n na mu sapteskmukek ukjit msit we’mn Jordan’ewey Nikana’tasikewey ewi’kiksipnek penoqo’tasimk ta’n na ki’l weji-weskwijinuin, national, kisna tle’yawin ketloqo.

Ta’n 2016, ta’n CHRT kisita’sisnaq ta’n na Kaplno’l ta’n Kana’ta pesu’kwatk ta’n etekl ukjit L’nue’kati mijua’ji’jk na penoqo’tasultisni’k. Ta’n Toqpultijik kwilutmi’tij ta’n Kaplno’l ta’n majulkwatk ilika’lan ta’n Mijua’ji’jk aqq wikmawaq etekl pesu’kwatk aqq ukjit msit we’wmn ta’n teluek aqq telaptikek ta’n Jordan’ewey Nikana’tasikewey.

Tujiw ta’n kisite’tasikek, ta’n CHRT na elkitsnikl pikwelkikl pemukwatasiksipnikl kwilutasiksipnikl wiaqtek ta’n Jordan’ewey Nikana’tasikewey. Ta’n Etqoljuiku’s 2017, ta’n Toqpultijik ilaknutmi’tisnek ta’n Jordan’ewey Nikana’tasikewey miamujpa na nasiwikasik ta’n na teltek ta’n kejitmk:

• Tepiaq tetpaqe’k – mikuaptmk ta’n L’nue’kati’l mijua’ji’jk jiptuk nuta’taq me’ apoqnmasuti’l ukjit msnmn tetpaqamu’kl telitpiaql.
• Teleyimk tetapu’tekl etekl – kejitmk etekl apajapa’sik L’nue’kati telawtikl, tel-lukwutimkl, aqq utan nuta’ql.
• Ta’n maw-klu’k kesatkl ta’n na mijua’ji’j- nikantuk ika’tu’n mijua’ji’j wlo’tim aqq iapjiwewey pemi’sit.

Ula teluek ta’n anku’tek apoqnmasuti miamujpa na iknmuetasik ta’n tujiw nuta’q, kejitmk L’nue’katik mijua’ji’j ala’toq ta’n tetpaqtek lien ukjit nikwen. Jordan’ewey Nikana’tasikewey siawi kito’qa’sik wejiaq siawtaqa’sik tplutaqney miawiaq ta’n na CHRT.

Wejiaq ta’n na Kana’taewey Wkskwijinuey Tetpaqa’qewe’l Toqpultijik, Jordan’ewey Nikana’tasikewey:

• Nasiwikasik ukjit msit L’nue’kati’l Mijua’ji’jk, ajkine’ktnuk ta’n nawikultijik utank kisna Moqo.
• Nasiwikasik ukjit msit kaplno’le’l etekl ukjit L’nue’kati Mijua’ji’jk wiaqiw telita’simk tajikeyimk, kelu’k kinu’tmaqney, wipite’l, nike’ mijua’ji’juwe’l etekl, ktinin maliaptasik, telowo’kemk maliaptasik, mpisuney tel-lukwek aqq me’.
• Mu anqa’lat ta’n eykik mijua’ji’jk ta’n na’tala’taqetijik.
• kisi iknmuetutew etekl ta’n L’nue’katik mijua’ji’jk tlia ta’n na etek mu eyktnuk ukjit ta’n ktikik mijua’ji’jk.
• Kejitmk ta’n Kana’ta miamujpa eltu’k ta’n kisa’matulti’k ta’n e’tasiw kwilutasikl Ukjit apoqnmasuti’l aqq etekl ta’n L’nue’kati Mijua’ji’j ta’n 12-48 kito’qajiaql ukjit msnmk na kaqi kisa’tasik kwilutasik, elt kelu’kl majulkwatmkl ukjit ankmayiw telitpiaql ta’n na mijua’ji’j ala’toq ta’n na tajike’k kisna kelpitut lukwaqna’luwek, ta’n na apaji kisapskenulten ta’n elt 12 kikto’qajiaql ta’n mesnmk ta’n kaqi-kisa’tasik kwilutasik.
• Teltekl ta’n na kaplno’l ta’n amskwes kisapskent miamujpa apank tmkl ukjit etekl – kaplno’lel aqq tel-lukwutikl na toqi-Luke’s kaqiaq ukjit kjijitunew ta’n wen apankettew.
• Nasiwikasik ta’n kwilutasikl ukjit ta’n e’tasiw mijua’ji’jk nuta’titl, kisna ta’n ukjit toqita’jik ta’n Mijua’ji’jk.