Náwehí Titibiseg Tibádjimowin ondji Jordan Ijichigewin
Wídjidehamawadj Anishinábe inódewizidjig kaye tanakíwinan mámawi nígán tibádjimonen ashidj wídókázowin
Jordan Ijichigewin nandawenindán kidji ijinágwag Anishinábe abinódjínshag ayámowadj mashkíyawoziwin ashidj wídókázowin misawenindamowadj, apích ashidj ándí wínawá nandawenindamowadj.
Mino Pimádiziwin & Sóngádiziwin
Wídókáwawadj inódewizidjig kidji ayámowadj wídókázowin ákozi ashidj kitawenindam mino ijichigewin ondji Anishinábe abinódjínshag.
Kikinámádiwin & Kikinámágoziwin
Nakág Jordan Ijichigewin, Anishinábe abinódjínshag odayánawa wídókázowin ondji kidji kikinámágedj, kikinámádinán ábadjitówinan, ashidj pimádjiwowin wewenind wídókázowin iye kidji sóngag wínawa kikinámágozi nagadjíwin.
Pimádjiwowin & Inwewin
Jordan Ijichigewin wídókáge kidji oditiniman pimádjiwowin wewenind wídókázowin, anishinábemowin kikinámágoziwin, ashidj gashkitówin kidji kinawe kikenindaman Anishinábe pimádjiwowin.
Jordan Ijichigewin wendad kidji oditinaman. KA’N nandawenindάgosinon kidji kíjíkawidj awiyeg kidji móshkinebíman eshkwemag ondji kín.
Awegonen tash Jordan Ijichigewin?
Jordan Ijichigewin wáwíndamáge igeg Anishinábe abinódjínshag wídókázowin nandawenindamowadj, apích nandawenindagwag, ega wíkádiwang. Ondji nábinikáde taj Jordan River Anderson, abinódjí wendjibadj Norway House Kinistínó Anishinábeg, Manitobang.
Jordan Ijichigewin otibádodán poninámowadj wídókázowin nakág ondji mino pimádiziwin, kikinámágoziwin, ashidj mino ijichigewin ondji Anishinábe abinódjínshag.
Kidji kwagwedjiton ondji wídókázowin konima kego, ganój Kanígánídj Jordan Ijichigewin konima kaye Anishinábe Wídókázowin Kánádáng.
