Anikeyádjimo

Jordan River Anderson (kíníge Namegosi Kízis 22, 1999 ako Akakodjísh Kízis 2, 2005) mí iya Anishinábens kawendjibadj Norway House Kinistínónáng nakág Manitobáng. Kíníge mámawi sanagad inápinewin, kíganawenimá ákozíwigamigong kinwej ondji mega kichi ogimák ká’n nakwetazig awenen kekíjíkang wín ganawenindagoziwin. Jordan kínanaginiwe nánan tasopibónezidj, ká’n wíkád kí nahídág kí abizi inódeg endádj konim kaye Anishinábe Tanakíwin.

Jordan inódeman kímígiweg wín odinónzowin nakág Jordan Ijichigewin kidji mígádamowadj ondji mayena, keget ondji Anishinábe abinódjínshag oditinámowadj wídókázowin tesh igodj. Wín míningewin keyabadj wídókáge kidji kándjiwebinang Jordan Ijichigewin nongom.

Iye apích 2007, Kakina Anishinábeg Ogimák (AFN) ashidj Anishinábeg Abinódjínsh ashidj Inódeg Ganawenindagozi Mámawo Ondamitáwin Kánádáng ogí-ojiton mawinehigewin Kánádá Pemádizidjig Okwabiwag (CHRT)–mí iye tibákonigewin tibádadang pokoshkag Kánádáng Pimádizi Ijichigewin.

Mí iya teyódj ogí ájodewe iya Kichi Ogimá-ogamigong ká’n ogí mígewesín shóniyá wídókázowin ondji abinódjínsh ashidj inódeg ondamitádjig ondji Anishinábeg odakíwiniwan ashidj Yukoning ashidj ega nínáwizisíg kidji keget kándjiwebinán Jordan Ijichigewin ijinágok shígenindjigewin nakág wawíyagi miziwekamig pemádizidjig.

Iye apích 2016, iya CHRT ijichige Kichi Ogima Kánádáng ka ijichigedj ondji Anishinábe Abinódjínshag kí shígenindagozig. Tibákonigewigamig kí ijichige kichi ogimán kidji wewenind ándjitodj abinódjínsh ashidj inódeg wídókázowin ijichigewin ashidj wewenind kidji mashkawak Jordan Ijichigewin.

Ká ako tibákonigewin, CHRT ogí mígiwenán níbina andakikenindjigewinan nakág Jordan Ijichigewinan. Iye apích Wábigon Kízis 2017, iye Tibákonigewin kikenindamojiweg iye Jordan Ijichigewin ijiná :

• Kichi Inenindagwad tibishkósin – nisidawinan Anishinάbe abinódjínshag konima nandawendanawa awashamenj wídókάzowin kidji ayάmowadj inenindagwad tibishkósin
• Pimάdjiwowin kάndjiwiseg wídókάzowin – ondji keget wídókάzowin tagon Anishinάbeg apítenindagok, ka άnikeyάdjimonάdegin, ashidj tanakíwin nandawendjigewin.
• Kidji wewenind ganawάbamindj abinódjínsh nígάnimigak mino pimάdiziwin ashidj kinwej mάdjígiwin.

Awaso tash ikidomagad kinawe níbina wídókázowin ta mígiwaniwan apích nandawenindágwak, ondji keget Anishinábe ábinódjínshag kidji ayámowadj nánahídág pimádiziwin. Jordan Ijichegewin keyábadj ayámowadj nakág kágige tibákonigewin índaje CHRT.

Kidji Nakodang Kάnάdά Pemάdizi Tibahigewin Tibάkonigewin, Jordan Ijichigewin :

• Inatónawa kakina Anishinάbe abinódjínshag, kishpin konima ega gaye abiwadj anishinάbe tanakíwin.
• Inatónawa kichi ogimά wídókάgedj ondji Anishinάbe abinódjínshag ashidinan kitawenindamowin, keshάwadj kikinάmάdiwin, wíbidi, abinódjinsh wídókάzowin, wíyάw inanokíwin, άnimitάgozi wídókάgedj, mashkikí άbadjitówinan ashidj awashamenj.
• Kά’n igodj eta abinódjínshag mάkizidjig.
• Kida mígiweg wídókάzowin ondji Anishinάbe abinódjínshag kishpin ega tagok wídókάzowin ondji kodagak abinódjínshag.
• Apích nandawenindάgwad Kάnάdά mάmakάdj kekíjenindan pepejig kwagwedjimindj ondji wídókάzowin ashidj ijichigewin ondji Anishinάbe abinódjínshag píndj 12-48 taso tibahiganak taj oditinan pagosenindamowin, mάmawi keshάwadj ayάngwάmíwin ondji, teshagodj mazinahigan ta nakwetaganiwan.
• Ikidomagad kichi ogimά nitam ganójiganiwidj ijinάgwad wínawa kíjíkάmowadj wídókάzowin – ogimάk kida ondamitάg mάmawi kidji kikenindamowadj awenen ke kíjíkang wídókάzowin.
• Awasoma ijinagwad ondji abinódjínj nandawenindάgwad konima okwinowadj abinódjínshag.